L-Orizzont - Il-Gimgha 16 ta' Ottubru 2009

Qatt ma bsart li Simon Busuttil, persuna li jir­rap­preżenta lil pajjiżna f’pożizzjoni daqs­hekk għolja fil-Parlament Ewr­o­pew jasal biex jattakka lill-kollega tiegħu bl-aktar mod diżgustanti. Frankament l-at­takk li sar fuqi fl-aħħar jiem fuq gazzetta partikolari mill-istess Busuttil dejjaqni mhux għax nibża’ mill-attakki (issa draj­thom), iżda għax kont qed nas­su­mi li Simon Busuttil seta’ jkun ftit inqas kiesaħ mal-kol­legi tiegħu.

Nagħmilha ċara li waħda mill-aktar affarijiet importanti għall-Membri Parlamentari Ewropej ta’ pajjiżna għandha tkun li l-kapaċitajiet u r-riżorsi tagħna nużawhom bl-aktar mod effiċjenti u f’koperazzjoni sħiħa u dan fl-interess ewlieni tal-poplu tagħna u ta’ pajjiżna. Dan jgħodd aktar u aktar meta wieħed iqis ċ-ċokon tagħna bħala pajjiż u allura l-ammont ta’ Membri Parlamentari li għandna meta mqabbel ma’ paj­jiżi oħrajn membri tal-UE.

Ma jagħmilx sens li l-ener­ġi­ja tagħna nużawha biex nat­takkaw lil xulxin. Imma jagħ­mel ħafna aktar sens li flimkien naħdmu fl-interess ta’ pajjiżna. Jagħmel ħafna aktar sens li ma naqgħux f’attakki isteriċi u paroli fil-vojt kif għoġbu jagħ­mel Simon Busuttil.

Meta eventwalment tibda l-ħidma tiegħi bħala s-sitt Mem­bru Parlamentari Ewropew se nkun qed noffri, kif dejjem għamilt wara kollox, l-id tal-ħbiberija lil kulħadd. Se nkun qed naħdem mal-kollegi Mem­bri Parlamentari kollha li jir­rap­preżentaw lil pajjiżna biex flim­kien niżguraw l-aħjar futur għall-ħaddiema tagħna. Se nkun qed naħdem fil-kun­test ta’ dak li kont nispjega fil-kampanja elettorali. Li nkunu leħen il-ħaddiema Maltin u Għawdxin fl-Ewropa hu kru­ċja­li għall-ħidma tagħna lkoll. Bl-attakki tiegħu fuqi, Simon Busuttil qed ikun leħen l-egoiż­mu u l-partiġġjaniżmu sfrenat tiegħu.

Dan hu l-ħsieb ewlieni li se jsejjes il-ħidma tiegħi matul dawn is-snin: kope­raz­zjo­ni u kollaborazzoni mal-Mem­­bri Parlamentari kollha għall-ġid tal-familji Maltin u Għawdxin.

B’dan il-mod se naħdem jiena u b’dan il-mod se nir­rap­pre­żen­ta lil pajjiżna bħala s-sitt Mem­bru Parlamen­ta­ri Ewro­pew ladar­ba pajjiżna jingħata s-sitt siġ­ġu Parla­men­tari wara r-rat­i­fika tat-Trattat ta’ Lisbona mill-paj­jiżi kollha. Iżda jekk l-istil u l-mod ta’ kif jaħdem Simon Bu­sut­til u l-mod kif ħa-dem matul il-ħames snin li għaddew huwa ta’ xorta oħra, allura xejn ma nis­tagħġeb kif il-PN naqqas l-appoġġ tiegħu fost l-elettorat fl-elezzjonjiet tal-Par­la­ment Ewro­pew.

Lanqas inlum lil min minn sħabu akkużah li aktar jinteres­sah fl-interessi personali tie­għu milli fl-interess tal-partit li sup­post jirrappreżenta. Jekk dan huwa kif imexxi l-ħidma tiegħu, Simon Busuttil allura jkolli nik­kon­kludi li dan żgur m’huwiex fl-interess tal-Maltin u l-Għawd­xin kollha. Nikkon­klu­di wkoll kemm kellu raġun min fil-partit tiegħu stess ak­kuzah li l-inte­res­si tiegħu jiġu qabel l-interessi tal-partit. Anzi jien inżid li dan l-istil jikkon­fer­ma wkoll li l-inte­res­si per­so­nali ta’ Simon Busut­til jiġu qabel l-interessi ta’ pajjiż­na anke fil-qa­sam Ewropew.

B’dan il-mod xejn ma nis­tagħ­­ġeb kif il-kampanja għall-elez­zjonjiet tal-PN tal-Parla­ment Ewro­pew f’Ġunju li għad­­­da, im­mex­­xija mill-istess Simon Busuttil issarrfet f’falli­ment għall-partit u għas-sup­post sħabu l-kandidati tal-PN, imma m’għand­niex xi ngħi­du b’riżultat egois­tiku ta’ suċ­ċess għalih fuq livell personali.

Jekk dan huwa l-mod im­ma­tur u egoistiku ta’ kif Simon Bu­suttil, għall-intenzjonijiet personali tiegħu, biħsiebu jaħ­dem u jilgħab il-logħba matul is-snin li ġejjin, nas­si­gurah minn issa li dan mhux il-mod kif biħsiebni naħdem jien. L-interess ta’ pajjiżna fil-qasam Ewropew jitlob minna ħidma għall-ġid tal-poplu tagħna u mhux ħidma għall-interess personali ta’ xi wieħed minna biex jilħaq l-ambizzjonjiet po­litiċi tiegħu. Il-poplu qed jitlob minna li naħdmu l-ewwel u qabel kol­lox b’maturità politika li tis­sarraf f’ġid għall-ħaddiema, il-pensjonati, is-‘self-employed’, il-klassi tan-nofs u diversi oqsma tas-socjetà tagħ-na.

Quddiem il-kriżi u l-falli­ment tal-PN fil-Gvern, immex­xi minn Lawrence Gonzi, ħidmet il-Membri Parlamen­ta­ri Ewropej għand­ha tkun ferm aktar iffokata fl-ispirtu msem­mi hawn fuq milli fl-ispirtu egoistiku individ­wa­li.

Nittama li Simon Busuttil jie­qaf minn din il-logħba iste­ri­ka u egoistika u jmidd għon­qu għax-xogħol b’mod oġġet­tiv u trasparenti. Lill-poplu ma tinteressahx l-aġenda politika personali ta’ Busuttil. Il-logħob politiku ta’ Busuttil ma jissar­rafx f’ġid komuni iżda jissarraf biss fi gwadann għalih biex meta jiġi l-waqt jieħu t-tmex­xija tal-PN f’idejh.

joseph@josephcuschieri.com