About Me
|
Dr Joseph Muscat hu l-Kap tal-Oppozizzjoni u l-Mexxej tal-Partit Laburista
Dr Joseph Muscat gie elett fil-Parlament Ewropew f’ isem il-Partit Laburista Malti fl-ewwel Elezzjonijiet Ewropej li saru f’ Malta f’ Gunju 2004. Huwa kien l-ewwel kandidat Laburista li gie elett f’ din il-kariga biex b’ hekk sar l-ewwel Membru tal-Parlament Ewropew tal-Partit Laburista.
Fil-Parlament Ewropew, Joseph huwa membru tal-Kumitat ghall-Ekonomija u Affarijiet Monetarji, il-Kumitat ghas-Suq Intern u Protezzjoni tal-Konsumatur. Fl-2007, huwa gie elett Vici President tal-Kumitat ghall-Ekonomija u Affarijiet Monetarji tal-Parlament Ewropew, biex sar l-ewwel Malti elett f' kariga simili. Huwa ukoll l-aktar persuna zaghzugha li qatt giet eletta bhala ufficjal ta' dan il-Kumitat importanti.
Fil-Parlament Ewropew, Joseph ha hsieb rapporti importanti hafna bhal dak dwar il-kontijiet tat-telefon cellulari (Roaming) kif ukoll rapport dwar il-bejgh u xiri tal-banek.
Joseph Muscat diga' kiseb rizultati konkreti fil-hidma tieghu fil-Parlament Ewropew, l-aktar fil-protezzjoni tal-konsumaturi bhal fil-kaz tat-tnehhija tat-taxxa fuq id-dixxijiet tas-satelliti, d-dritt li konsumaturi jaraw avvenimenti sportivi ewlenin minghajr hlas, u soluzzjoni ghal kwistjoni tar-registrazzjoni tal-medicini.
Huwa kien involut hafna ukoll fil-protezzjoni ta' l-ambjent, f' kazijiet bhal dak ta' l-incineratur ta' l-Isptar San Luqa, il-Power Stations tal-Marsa u Delimara, u l-Impjant tar-Riciklagg ta' Sant' Antnin.
Hadem ukoll fil-qasam tad-drittijiet tal-haddiema billi zgura protezzjoni ghad-drittijiet tal-haddiema fid-Direttiva tas-Servizzi, u ha diversi inizjattivi dwar is-sahha u sigurta' f' postijiet tax-xoghol f' diversi fabbriki f' Malta u Ghawdex. Joseph kien strumentali biex gew salvati l-postijiet tax-xoghol tal-haddiema tax-xatt.
Mil-lat socjali, Joseph Muscat huwa involut fl-Intergrupp Parlamentari dwar id-Dizabilita'.
Huwa rebah il-Premju Outstanding Young Person of the Year ghall-hidma politika tieghu matul l-2006.
Joseph Muscat huwa isem familjari ma’ hafna Maltin u Ghawdxin. Ghal hdax–il sena, huwa pprezenta u pproduca ghadd ta’ programmi ghat-televizjoni u radju, u stabilixxa lilu nnifsu bhala analista politiku regolari f’ gurnali bil-Malti u bl-Ingliz. Huwa kien wiehed mill-ftit nies fil-mezzi tax-xandir li kellu bazi soda ta’ ekonomija, billi huwa primarjament ekonomista u manager.
KULLEGG U UNIVERSITA’
Joseph twieled nhar it-22 ta’ Jannar 1974 u gej minn familja ta’ intraprendituri habrieka li jahdmu ghal rashom u ta’ bdiewa: nies li jafu li jridu jfendu ghal rashom u jassiguraw l-ghixien tal-familja taghhom. Missieru Salvu beda negozju ghal rasu fl-1978 filwaqt li ommu Grace kienet wahda mill-aktar hajjata maghrufa tal-pajjiz qabel ma rtirat mix-xoghol xi snin ilu.
Joseph attenda St Francis School, l-Iskola Primarja ta’ San Pawl il-Bahar, u l-Iskola Stella Maris qabel ma beda l-edukazzjoni sekondarja tieghu fil-Kullegg San Alwigi. Huwa jsostni li kiseb hafna mill-hiliet tal-management tieghu mill-Gizwiti, li rawwmulu fih sens ta’ dixxiplina u uzu tajjeb tal-hin. Joseph kompla bl-edukazzjoni post-sekondarja tieghu fis-Sixth Form tal-Kullegg San Alwigi qabel ma sar l-ewwel membru tal-familja tieghu li dahal l-Universita’ ta’ Malta.
Hemmhekk huwa dahal fil-kors tal-kummerc (Bachelor of Commerce) fejn specjalizza fil-Management u Public Policy. Tlett snin wara kiseb grad Second Upper f’ dawn l-oqsma.
Zmien l-Universita' kien ukoll zmien ta’ decizjonijiet ghal Joseph. Dejjem kellu x-xewqa li jkun attiv fis-socjeta’ civili, izda qatt ma kien migbud lejn il-politika lokali ghax ma kienx ihoss li kienet il-mezz addatat sabiex jinbidlu l-affarijiet. Fil-fatt, huwa ddedika ruhu aktar f’xoghol socjali u qatta z-zmien ta’ hidma fis-Sixth Form u Universita’ jahdem ma’ organizazzjonijiet li jghinu t-tfal.
INVOLVIMENT FIL-POLITIKA
Madankollu, il-bidliet li sehhew fil-Partit Laburista fl-1992, l-aktar l-elezzjoni ta’ Alfred Sant bhala Mexxej, biddlu l-mod ta’ kif Joseph kien ihares lejn il-politika. F’ Ottubru 1992, Dr Sant qal li kien hemm spazju ghal kulhadd fil-Partit Laburista u li dawk li jridu jaghtu l-kontribut taghhom ghandhom jersqu ‘il quddiem.
Joseph, li gej minn familja b’ fehmiet politici differenti, iddecieda li jittestja kliem Alfred Sant. Kien hawnhekk li huwa inghaqad ma’ l-istazzjoni tar-radju tal-Partit Laburista, Super ONE u fi ftit taz-zmien sar parti minn grupp ta’ gurnalisti mmexxija minn Evarist Bartolo. Dan kien l-istess grupp li welled il-gurnal KullHadd u Super ONE Television.
Sadattant, Joseph kompla bl-istudji tieghu u kiseb Baccellerat bl-Unuri fil-Public Policy. It-tezi tieghu dwar l-iffinanzjar pubbliku tal-partiti politici kisbet l-oghla marki f’ dan il-kors. Dan heggu biex ikompli jistudja ghal grad ta’ Masters fl-Istudji Ewropej fil-European Documentation and Research Centre ta’ l-Universita’ ta’ Malta. Huwa sar wiehed mill-ewwel grupp ta' studenti li temm dan il-kors. Minhabba li l-ekonomija hija wahda mill-ispecjalizazzjonijiet tieghu, Joseph iffoka t-tezi tieghu fuq it-trasposizzjoni tal-politika ta’ l-Unjoni Ewropea fuq intraprizi zghar u medji f’ zewg pajjizi membri ta’ l-Unjoni Ewropea, jigifieri Spanja u l-Portugal.
'IL QUDDIEM
Il-Professur Godfrey Pirotta, li llum imexxi d-Dipartiment tal-Public Policy fl-Universita’ ta’ Malta, u Dr Mario Vella, espert fil-qasam ta' l-industrija, segwew l-progress akkademiku ta’ Joseph u heggewh biex jibda d-Dottorat tieghu fl-Ekonomija. Il-proposta ta’ Joseph dwar ricerka innovattiva dwar intraprizi zghar u l-multinazzjonali intlaqghet mill-Universita’ ta’ Bristol fir-Renju Unit. Joseph kiseb din il-Ph.D fl-2007 wara li ddefenda b' success it-tezi tieghu.
Sadattant, Joseph beda jiehu rwol aktar attiv fil-politika. Huwa rrealizza li l-involviment tieghu fil-mezzi tax-xandir ma kienx se jkun kontribut bizzejjed ghal bidla. Fl-1994 huwa involva ruhu fil-Forum Zghazagh Laburisti (FZL) bhala Segretarju Finanzjarju, Deputat Chairperson u Agent Chairperson. Fl-1995, fl-eta’ tal 21 sena, huwa ha l-pass kuragguz li jikkontesta ghal wiehed mill-ghaxar positijiet fuq l-Ezekuttiv Nazzjonali tal-Partit Laburista. Gie elett u sar wiehed mill-izghar membri qatt eletti fl-Ezekuttiv u zamm dan il-post ghal sitt snin sall-2001 meta gie nominat ghal post ta’ Segretarju Edukattiv tal-Partit Laburista. Huwa ma giex kontestat u zamm il-kariga ghal tlett snin.
Bejn l-1997 u 1998 huwa ta sehem importanti fl-implimentazzjoni ta’ l-istrategija industrijali tal-Gvern Laburista. Huwa kien parti mill-grupp li waqqaf l-Istitut ghall-Promozzjoni ta' l-Intraprizi z-Zghar (IPSE), li gie mwaqqaf bi ftehim ma’ l-Unjoni Ewropea u li nghata fondi Ewropej ghar-ristrutturar ta’ l-industrija. Joseph kien parti mill-grupp li gab dawn il-fondi.
Aktar tard huwa kompla bix-xoghol tieghu fl-industrija tas-servizzi finanzjarji mall-Crystal Finance Investments, rapprezentanti f’ Malta tal-bank Svizzeru UBS.
PROGETT INTERESSANTI
Fl-2001, il-Partit Laburista inkariga lil Joseph bit-tmexxija ta’ progett importanti u gdid: kanal ta’ informazzjoni fuq l-internet li kellu jwassal il-messagg tal-Partit bl-Ingliz. F; dan il-progett, Joseph gabar flimkien grupp ta’ hbieb biex iwelldu wahda mill-aktar esperjenzi medjatici eccitanti ta’ dawn l-ahhar snin: maltastar.com. Fit-tieni sena ta’ ezistenza taghha, maltastar.com rebhet nominazzjoni fil-Malta Journalism Awards (Joseph kien diga gie nominat darba ohra) u giet ikkwotata mill-BBC World u Canale 5.
FAMILJA
Joseph huwa mizzewweg lil Michelle nee’ Tanti, gradwata fil-Kommunikazzjoni, l-Ingliz u l-Edukazzjoni. Michelle hadmet bhala Assistenta Personali tal-Ministru Charles Buhagiar u wara tal-Kap ta’ l-Oppozizzjoni Alfred Sant. Illum il-gurnata Michelle ghandha prattika privata fil-marketing u kommunikazzjoni. Fl-2007, il-familja Muscat irduppjat f' daqqa! Dan meta Michelle welldet lil bniet tewmin Etoile Ella u Soleil Sophie.
Matul is-snin Joseph serva bhala membru tal-Kunsill Nazzjonali taz-Zghazagh, il-Kummissjoni Nazzjonali ghall-Moralita Fiskali u d-Djalogu Ewro-Gharbi tal-Kunsill ta’ l-Ewropa. Huwa kien ic-Chairperson tal-Kumitat tal-Mediterran tal-International Union of Socialist Youth (IUSY) waqt il-laqgha ta’ Malta fl-1999, u attenda bosta laqghat tal-European Young Socialists (ECOSY) f’ isem il-Forum Zghazagh Laburisti.
KARIGA DIFFICLI
Fl-2003, Joseph Muscat gie nnominat bhala parti minn grupp ta’ hidma, immexxi minn Dr George Vella u Evarist Bartolo, li fassal il-politika gdida Laburista dwar l-Unjoni Ewropea.
Izda l-aktar kariga difficli u ta’ sfida kienet dik ta’ President tal-Konferenza Generali Annwali tal-Partit Laburista f’ Novembru 2003. Id-delegati nnominawh biex imexxi wahda mill-aktar konferenzi generali sensittivi ghal bosta snin u li kellha tiehu decizjoni dwar il-politika tal-partit dwar l-UE. Fl-eta’ ta’ 29 sena, Joseph kien l-izghar persuna li nghata din il-kariga. Il-konferenza kienet immarkata b’ mumenti emozzjonali izda hafna delegati rrimarkaw li l-kalma u s-sens ta’ bilanc ta’ Joseph kienu elementi mill-aktar importanti ghas-success tal-konferenza.
SPORT, QARI U MUZIKA
Joseph ihobb hafna l-isport u jittrenja b’ mod regolari. Huwa jhobb it-table tennis u l-football. Lokalment izomm mar-Rabat Ajax filwaqt li fix-xena internazzjonali huwa marbut ma’ AC Milan.
Joseph ihobb hafna ukoll il-muzika, specjalment ir-rock progressiv. Huwa ghandu kollezzjoni kbira ta’ materjal tal-grupp Marillion u kuntent hafna li anki rnexxielu jiltaqa ma’ l-ex frontman taghhom, Fish darbtejn. Genesis, Offspring, Bruce Springsteen, Coldplay u Moby huma fost l-artisti favoriti tieghu.
Huwa jhobb hafna ukoll il-qari bl-awturi favoriti tieghu ikunu Philip Roth, C.J. Sansom, Alexander McCall Smith u Tracy Chevalier.
|
Interests
|
Il-vizjoni tieghi ghall-Partit Laburista
Pajjizna ghandu bzonn riformi ambjentali, socjali u ekonomici kbar biex jilhaq il-livelli ta’ zvilupp tal-pajjizi shabna fl-Unjoni Ewropea.
Partit Laburista imsahhah, mibdul u pozittiv huwa l-ahjar mod kif dawn ir-riformi isiru b’ mod li jghaqqdu flimkien lis-setturi kollha tas-socjeta: minn impjegati ghal negozjanti; minn zghazagh ghal nisa; minn hassieba ghal dawk li jghixu barra l-pajjiz.
Biex dan isehh irridu nibdew issa u minghajr dewmien nibnu moviment kbir li jigbor fi hdanu l-ahjar elementi ta' pajjizna. Moviment li jmur lil hemm mill-Partit Laburista u li jinkludi kull minn ghandu idejat innovattivi u progressivi, kull minn ghandu l-hila u l-inizzjattiva li jwettaq progetti li joholqu il-gid, u kull min tabilhaqq xeba' bil-qerda ta' l-ambjent.
Biex il-Partit Laburista jirnexxielu jigbor madwaru moviment wiesgha bhal dan jehtieg l-ewwel nett li jissoda minn gewwa. Jehtieg ukoll li jkollu Mexxej li huwa kapaci jigbed is-simpatija u jirbah ir-rispett mhux biss ta' dawk li kienu u baqaw l-attivisti tieghu matul is-snin, imma anki ta' dawk li ma baqawx jhossuhom parti minnu u sahansitra ta' min qatt ma hassu qrib tieghu.
Nemmen li nista’ nkun il-persuna li nghaqqad flimkien dawn l-elementi kollha biex inwasslu ghal Gvern Laburista sa' l-2013 sabiex inwettqu l-aspirazzjonijiet taghna ghal poplu u pajjizna. Nemmen li nista’ naghti vizjoni u energija biex sa’ 60 xahar iehor inkunu maghzula mill-poplu biex imexxu lil pajjizna.
Il-pedament ta’ dan il-progett huma iz-zghazagh, kategorija li fl-ahhar snin ma irnexxielniex nattiraw bizzejjed lejna. Irrid nuri lil shabi zghazagh li mal-Partit Laburista u fil-moviment li ser noholqu flimkien jistghu ikunu parti minn Generazzjoni Rebbieha.
Ghalhekk, wara li tkellimt mal-familja u ma bosta persuni ohra, wasalt ghad-decizjoni li nressaq n-nomina tieghi ghal kariga ta' Mexxej tal-Partit Laburista meta jifthu n-nominazzjonijiet.
B'hekk, wara l-esperjenza tieghi fl-akbar istituzzjoni demokratika fid-dinja, il-Parlament Ewropew, inkun nista' nkompli nservi lill-pajjizi b'mod aktar dirett.
In-nomina tieghi qed nitfaha minghajr l-ebda kundizzjoni. Jekk nigi elett, lest li nahdem ma’ kull persuna maghzula mill-Partit Laburista bhala Deputati Mexxejja u fil-karigi kollha l-ohra.
Fil-gimghat li gejjin se nkun qed niltaqa ma’ dawk kollha involuti biex nisma minghandhom u nispjega l-programm ta’ hidma tieghi.
|
Favorite Music
Genesis, Offspring, Bruce Springsteen, Coldplay and Moby.My favourite music genre is progressive rock, I`m the proud owner of rock band Marillion`s collections and met their ex front man Fish on two occassions.
|
Favorite Books
I enjoy reading and my favourite authors are Philip Roth, C.J. Sansom, Alexander McCall Smith and Tracy Chevalier.
|
hi5 Games
Joseph hasn't played any games recently.
Journal
|
Ghawdex jista’ jkun il-mutur ekonomiku li jixpruna l-ekonomija u johloq ix-xoghol
Il-vizjoni tal-Partit Laburista ghal Ghawdex hija li din il-Gzira tista’ tkun il-mutur ekonomiku li jixpruna lill-pajjizna. Mutur li mhux johloq ix-xoghol mhux biss ghall-Ghawdxin f’Ghawdex imma anke ghall-Maltin. U c-cavetta ghall-holqien tal-impjiegi kemm f’Ghawdex huwa t-turizmu.
Dan qalu l-Mexxej Laburista Joseph Muscat meta kien qed jindirizza l-laqgha generali annwali tat-13-il distrett il-Hadd fil-ghodu fir-Rabat, Ghawdex.
Dr Muscat tkellem fit-tul dwar il-potenzjal ta’ Ghawdex u qal li Ghawdex jista’ jkun success mhux ghall-Ghawdxin biss imma anke ghal Malta kollha. Ghandna rizorsi ambjentali u potenzjal ta’ zvilupp f’Ghawdex li jmorru flimkien u filwaqt li nharsu l-ambjent naraw li jkun hawn zvilupp sostenibbli tassew. Zvilupp fejn meta nghidu ghandna progett ghal Ghawdex, dan il-progett isir u jhalli l-frott tieghu.
Il-Mexxej Laburista qal li t-turizmu huwa c-cavetta ta’ kollox biex Ghawdex jerga’ jibda jahdem. Turizmu li ma jkunx bit-tilqit, bicca bicca, fejn darba kultant jidhol vapur tat-turisti. Imma turizmu regolari li jerga’ jibda jiggenera l-impjiegi.
Jien ma nharisx lejn Ghawdex bhala mazzra, jew mascot li naghtu xi haga lill-Ghawdxin biss ghax jibdew igorru. Imma nara f’Ghawdex mutur ekonomiku.
Dr Muscat staqsa kif jista’ jkollok fiducja fil-Gvern meta jitkellem dwar eco-Ghawdex meta fl-istess hin qed jittiehdu decizjonijiet ambjentali hziena hafna f’Ghawdex stess. Decizjonijiet li jgharrqu l-ambjent u mhux jghinuh.
Hemm bzonn ta’ aktar accountability u mhux kull sena nigu ghall-budget, ikollna nurmu ta’ weghdi cut and paste ikkuppjati mill-budget tas-sena ta’ qabel u ta’ qabel. Progetti bhat-triq ta’ Xlendi, tad-Dipartiment tar-Radjologija, ta’ Villa Rundle, tal-Ggantija. Fejn hi l-accountability, staqsa Joseph Muscat.
€115,000 f’konsulenzi fuq Eko-Ghawdex
Dwar eko-Ghawdex s’issa rajna biss fuljett, fuljett sabih ipprintjat fuq karta li mhix riciklata. Imma din il-gimgha kien hemm zviluppi dwar eko-Ghawdex, u l-unika zvilupp li kien hemm s’issa kien li nfaqna €115,000 f’kosulenzi fuq dan il-kuncett. U ma jien nara xejn s’issa, sostna l-Mexxej Laburista.
Dr Muscat qal li l-livell tal-ghixien tal-Ghawdxin qatt daqs illum ma kien hazing fejn anke l-middle-class Ghawdxija qeghda tlaqqat daqqa fuq rasha. L-inkwiet fuq il-prezzijiet qed jilhaq l-Ghawdxin ukoll. L-inkwiet dwar ix-xoghol u l-qaghad wasal u far f’Ghawdex. Fejn iz-zghazagh Ghawdxin m’ghadhomx jaraw il-possibilta konkreta li jahdmu f’Ghawdex. U ghalhekk nifhem l-inkwiet tal-Isqof ta’ Ghawdex dwar ix-xoghol.
It-turizmu huwa c-cavetta ghax-xoghol
Joseph Muscat qal li t-turizmu hija c-cavetta biex Ghawdex u Malta jergghu jibdew jahdmu. Ic-cavetta biex pajjizna johrog mill-krizi.
Huwa kkritika l-mod kif minflok ghen it-turizmu, il-Gvern dahhal taxxa ta’ 50 centezmu fuq kull turist. Fl-istess hin ghamel studju biex ma jnaqqasx it-taxxa tal-VAT fuq ir-restoranti fejn qal il-pajjiz jitlef hafna flus u li allura t-tkabbir li naraw ma jkunx kbir bizzejjed.
Imma tajjeb li jiftakar Lawrence Gonzi li f’weghda elettorali tal-PN, fil-Manifest Elettorali ‘Iva Flimkien Kollox Possibbli’ il-PN kien wieghed f’punt numru 13 li: “Inkomplu nahdmu mal-pajjizi tal-UE biex innaqqsu certi rati ta’ VAT fuq setturi importanti ghall-ekonomija ta’ pajjizna bhal ristoranti, li l-Gvern qed jipproponi lill-UE li jnizzel minn 18% ghal 5%.”
Dr Muscat qal li minn hawn tohrog id-dizonestà ta’ dan il-Gvern fejn fl-elezzjoni jippropni mod u mbaghad jigu f’budget u jaghmel studju biex ma jwettaqx weghda elettorali tieghu stess.
Il-kuncett tal-Whistleblower
Il-Mexxej Laburista qal li dan il-Gvern mhuwiex kommess li jiggieled il-korruzzjoni.
Semma l-kaz tal-kuntratt tal-power station tal-Enemalta li sewa lill-poplu €200 miljun li minnhom €4 miljuni marru fil-but ta’ xi hadd f’commissions. Kuntratt li ma setax jinghata lill-kumpanija li ntghazlet kieku ma nbidlitx il-ligi. Kuntratt li gie ffirmat minghajr cameras u cerimonji minkejja li l-investigazzjoni fuq il-mod kif inghata ghadha mhix konkluza.
Dr Muscat qal li kien ghalhekk li huwa qal lill-Prim Ministru biex f’Malta tiddahhal il-ligi tal-whistleblower. U l-Prim Ministru dak il-hin qal, il-ligi tal-whistleblower isservi biex min hu korrott jikxef lil haddiehor li hu korrott bhalu. Imma dan mhux hekk, din il-ligi tinkludi li jekk persuna jahdem f’xi kumpanija statali u jinduna b’xi haga li sejra hazin imur jirrapporta lill-awtoritajiet minghajr il-biza’ li jigrilu xejn.
Imma anke l-kuncett tal-whistleblower jidher li qed jiskartaw, qal Dr Muscat.
Huwa semma bhala ezempju l-kaz tal-vapur ta’ Ghawdex fejn ghax kaptan li tkellem dwar l-abbuzi li kienu qed isir gie sospiz.
Dr Muscat qal ukoll li qajjem il-kwistjoni tal-preskrizzjoni fil-kaz tal-politici biex din titnehha u mhux nibqghu bis-sitwazzjoni fejn fil-kaz tal-politici wara 10 snin qisu ma gara xejn. Imma l-Prim Ministru qghad idur mal-lewza, u ma kkommettix ruhu.
Imbaghad jinsab f’din is-sitwazzjoni fejn ghandna ministru li qed ihallih jikser il-kodici tal-etika.
Joseph Muscat qal li din il-gimgha l-Ministru tal-Finanzi gie mistoqsi mid-Deputat Owen Bonnici biex ipoggi fuq il-mejda tal-Kamra l-email jew l-ittra li fiha talab lill-Prim Ministru permess biex isiefer ma’ negozjanti. Imma l-Ministru qal li t-talba saret bil-fomm. U allura ghalhekk jikber is-suspett ghaliex il-Prim Minsitru ghadu ma wegibx l-allegazzjoni li ghamel il-gurnalist Godfrey Grima li qal li minn informazzjoni li ghandu jidher li lanqas din it-talba ma saret. Kieku veru hekk il-Prim Ministru qieghed jghatti gidba.
Attakka istituzzjonalizzat fuq l-Awditur tal-MEPA
Imbaghad il-Prim Ministru qed jinhela jattakka lil min irid is-serjetà f’pajjizna, qal Joseph Muscat. Huwa qal li mhux dejjem taqbel ma’ dawn in-nies, imma ma jfissirx li tattakkahom.
Dawn huma nies li qed jipprovaw ikissru din il-kultura ta’ omertà, bhall-awditur tal-Mepa l-Perit Joe Falzon li qed jigi suggettat ghal attakk istituzzjonalizzat.
Imbaghad in-nies x’qed jaraw fil-MEPA. Qed jaraw hnizrijiet bhal ma sar fil-kaz tal-Bahrija. Anzi, Prim Ministru li qed jappoggja lill-kandidat Nazzjonalista u jitfa’ fuq pedestal lil min qed jaghmel din il-hnizrija. Arroganza anke bil-mod kif jitkellmu dawn in-nies mas-socjetà.
Dan bhad-decizjonijiet ambjentali li qed jittiehdu f’Ghawdex fejn l-izviluppi li qed jigu proposti jkissru ghal kollox il-kuncett ta’ eko-Ghawdex.
Il-kuntratt tas-Super Yachts
Dr Muscat semma wkoll il-kuntratt tas-Super Yachts u sejjah lill-Prim Ministru biex jitkellem dwar dan il-kuntratt u jghid fejn waslu. Dan meta suppost il-kuntratt qed jinghad li miexi u fl-istess waqt qed jinghad li ebda wahda mill-offerti ma ssodisfat ir-rekwiziti li qed jitlob il-gvern.
Staqsejt jekk hux veru li l-privatisation unit tat rakkomandazzjoni mod, imma l-Ministru ma accettax dik ir-rakkomandazzjoni. Staqsejt jekk ir-rakkomandazzjoni kenitx favur dik il-kumpanija li tefghet l-ghola offerta. Staqsejt ghaliex il-Ministru ma accettahiex. X’sehem ghandu f’dan kollu l-eks-CEO tat-Tarzna, dak il-bniedem li thalla jitlaq wara l-iskandlu tal-Fairmount.
Huwa ghalhekk li ghandna bzonn ta’ iktar accountability fil-pajjiz, sostna Dr Muscat.
Gbir ta’ fondi fit-13 ta’ Dicembru
Dr Muscat qal li ghal dan kollu l-Partit Laburista lest ikompli jahdem u jiltaqa’ u jitkellem mal-firxa kollha tas-socjetà.
Qal li filwaqt li l-Gvern il-hin kollu jippompja l-flus biex jipprova johnoq il-messagg tal-PL, f’sitwazzjoni fejn jekk il-PL jghid xi haga l-Gvern juza l-fondi pubblici biex jirribattih, sitwazzjoni fejn fis-segretarjat tal-Prim Ministru hemm 37 persuna impjegat, allura huwa ghalhekk li l-PL idur darba fis-sena fuq il-poplu u jitolbu l-ghajnuna.
Dr Muscat qal li din is-sena l-PL se jkun qed jorganizza gimgha shiha ta’ attivitajiet socjali u politici biex jimmarka Jum ir-Repubblika. Gimgha li fiha se jkun hemm turija cara li l-PL mhux interessat biss li jigbor il-flus, imma se jkun hemm divertiment ghall-familja biex nuru li kulhadd haqqu zvog. Fl-istess hin se nkunu qed nitolbu dak il-kontribut zghir biex il-PL ikompli jikber, qal il-Mexxej Laburista.
Dr Muscat qal li fi zmien fejn il-monopolji qed jispiccaw fl-ekonomija, il-monopolji qed jispiccaw anke fuq affarijiet ohra, u b’hekk sostna li anke jekk qatt kien hemm monopolju fuq is-sewwa, dan issa spicca, ghax is-sewwa se jerbah zgur.
|
|
|
hi5 Gifts
Joseph has no unwrapped gifts.
|
|
English
qet jofrilek is-servizz tieghu ghall 24hrs kuljum mit-tnejn sal-hadd.
MTS qet jaghmel dan billi joffrilek ghall prezz fantastiku ta 20euros ta' sena member ship.
ghall ewwel 50 li jcemplu biex jissiehbu ma MTS TOWING SERVICES ikollhom skond ta 20% service fil-karozzi tahhom.
mela issieheb ma' MTS TOWING SERVICES u tkunu qeghdin tgawdu minn dawn l-offerti sbieh
GRAZZI MARTIN
MOB NUM: 99494793 JEW 79920123